الفرق بين اطفآلنــآ وأطفآل الأجآنب >>

نمووذج بسيــــــــط يووضح الفررق بين ورآعيننآ ودقرش الأجآآنب ..


اووب من تأليفي .. وآقع نعآآني منه وخآآصه قبل سن المرآهقه .. قبل ما يتفلتوون بزآريننــــآ




اطفال الأجانب

في الصباح حيث يبدأ يوم اطفال الاجانب عندما يستيقظ على صوت

الكناري اللي بغرفته بعدها يتوجه للحمام يتروش ويفرش اسنانه ويطلع

من الحمام تستقبله المربيه بالمنشفه وتصبح عليه يروح يغير ملابسه

وياخذ شنطته وينزل لغرفة الطعام ويصبح على امه وابوه واحلىآ

بوسه ياخذها منهم ويفطر ذاك الفطور طبعآ عباره عن كورن فليكس

ابو ديك وبيضه وحده بس!!


وكاس عصير وشويت زبده مع العسل

على خبزه ..!

بعدين يقوم يغسل فمه ويودع الماما والبابا ويتوجه للسياره يلقى قدامه

السواق ويفتح له الباب ويوديه لمدرسته الخاصه


ورعانا المحترمين

ورعانا يقوم الصبح بعد ما يطلع عين اهله ولازم افراد العائله تمر عليه وآحد وآحد ولآ يدآآوم الا سبع لا خلص الطآبوور ..

وكل واحد وطريقته :

الوآلد : قم جعلكـ مآعندنيب قآيله

الوآلده : قم جعلك الجدري

أخــوه : والله لو ما تقوم لأطب في بطنكـ !!

أخته: ((جآيه بأسلووب تدليــع الحين)) يالله قوم وأعطيك شنطة أخوك تروح فيها للمدرسه

بعد ما يقوم يمر الحمام على السريع ويغسل وجه وأحيآنآ إذآ ما أمدآه يرووح معفن ويفش في المطرسه


وبعدين ياخذ اقرب كتب عنده ويربطها ويجيك مدرررررررررعم يدور الفطور ويتفاجأ

انهم ما حطوه..؟؟

بعد ما يجي الفطور وهو كالعاده : فول شكشوكه تميس + حليب

يبدأ الورع بالهجووم على الأكل وشوي الا وهو مآحط أخوه بعلبة الهندسه ؟؟؟

عشانه سحب صحن الفول من عنده ..


خمس دقآآيق تجيـــــــــكـ يده وعطه ذآكـ البقس في عين اخووه الثآآني اللي سآآرق الفسحه


((سعيدان // اكبر سروق بالبيت)) ابوه على طول يجي مآغط وعآظ الثووب ويصـــــــك سعيدآن كف الا وهو مشمع في الزآآويــــــه


المهم بعد ما يخلص الفلم اليومي يروح الولد للسياره يلقى اخوه فاتح

الكبوت ويصب ماء للرديتر المشقوق

تقفل اخلاق الورع ويتنرقز يذب الشنطه عند الباب وينبط في الحووش يكمل النوومه



أطفال الاجانب


- بعد المدرسه يرجع بزرهم ويلقى المربيه في استقباله تاخذ

الشنطه وتوديها لغرفته بصحبته يغير ملابسه ويغسل وجهه ورجليه

وينسدح ربع سآآعه في أنتظار افراد العائله عشان يتغدى وبعد الغداء

يروح لغرفة الجلوس ويشرب شاهي للتهضيم ويحلي بقطعة كيك وبعدين

يروح لغرفته ينووم سآآعه عشآن يمديه يقووم يذآآكر <<<


ورعاااانا المحترمين

اما الورع منهم يجي من المدرسه وثوبه قالب لونه بني ((تقول جدار مدرسه ))

ولا دخل البيت رمى الشنطه بالصاله وفصخ ثوبه

ووينك يالشارع (( اخوياه يحترونه)) وهاتك ياللعب

كوره بذا القايله وعادي الشارع مولع من الحراره وهم عادي جدآآآآ .. تتصلخ الموآطي وتتشقق بعد ,, تسوود الجبهه مع احمرآر الرقبه وتشهب اليدين والصدر يبدأ يصفر ,, الشعر اللهم يا كآآفي تقوول حووش برسيم ,, الملآبس اللي تحت الثووب الله يعين امه لاجت تغسل ,, والله لو تنقعهآ سنه ((السوآد)) موب رآضي يرووح ..!


في هذه الأثناء يرسل ابوه كتيبه من اخوانه للبحث عنه ولا لقوه وجابوه


المهم يحطون الغداء ((معروف كبسة لحم أو دجآآج))

غيره ما فيه..!!
طبعآ يبدأ الاب الكريم بالزئير في وسط المنزل عشآآن يجمع ورآعينه المتنآثرين في أنحآء المنزل ..

يتغدى الورع الكريم ويصــــــــــــــــــك بعدها لتر لبن يكبس على نفسه <<< ولا كبر قال من وين جت الكرشه

بعدها يجلس ساعه فاتح فمه وتعآل أسمع طرب كووم نآآنسي / احمد عزت / تآمر عآشوور ..

وتلقى آخر الغرفه وآحد من أخوآنه :: سكر فمكـ يا

ولآ تفكر أنه يتكرم ويغسل .. لآآآآآآآآآآآآآآ .. يحتري احد يجيب له غضآره تحت رجليه والا يخيس لين ييبس الرز في اصآبعه واذا كآن عليه ريآضه في ذآك اليووم ينبطح ويرقد بالزفره وحلم انه يغسل ..

طبعآ لا قآآم لين ريحته صآآعقـــــه ,, مآ تدري تلقآهآ من يده اللي لهآ اربع سآعآت ميبسه والا رجلينه اللي ما غسلهآ عقب الظهر والا ثووبه المسوود الا شووي



أطفال الاجانب

- اطفال الاجانب لا جاء العصر جابوا دروسهم وشافوا وش عليهم من

واجبات وحلوها وحضروا دروس بكره بمساعدة الماما والبابا طبعـــــآ ..

بعدها يروح لغرفة الألعاب ويجلس على البلاي ستيشن 2 ويحلف على ابووه يلعب معه لعبه << لو يحلف ورع من ورعآننآ على ابووه يلعب معه ,, خذآ ورعه وحطه تحت ابطه وكتم عليه شووي وقال لعبنآ خلاص طس




بعدها تطلبه امه مع بقية أخوانه عشان يجتمعون ويشربون العصير .. عآآد اذا وده يسوولف سوولف واذا ما وده رآح ينووم ..!




ورعاااانا المحترمين

يأذن العشآ أحيآنآ وهو نآآيم << مفعوول اللبن


طبعآ أقلآمه وكتبه ودفآتره << هذآ إذآ عنده دفاتر
نآسيهآ في الدرج ..


ويروح عند أخته ويتحايل عليها بكل ما أوتي من قوه على شان تحل له وآجب الاسبووع موب اللي رآح .. اللي قبله


بعد كذا أنواع الدجه مع ورعان الحاره ومن هم على شاكلته ما يخلون

هندي الا وسرقوا سيكله

ولا رجع البيت ((على الساعه 11 تقريبا )) تلقى راسه مفلق من

جميع الاتجاهات ,, ولآ تلقآآه خآآلي ,, جيووبه مليآآنه غنآآآآآآآآآآيم ..

وخذلكـ عآآد من أهله ,, كل وآحد يستلمه وشووي هوآآش وخلآص ولا كأن صآآير شي



أطفال الاجانب


- أطفال الاجانب بعد ما يتعشى ويمسي على اهله يروح لغرفته ويجلس

على النت ساعه أو ساعتين الى موعد نومه ((الساعه 10 تقريبا))

بعدها يغير ملابسه وتجي المربيه وتحكي له قصه اللين ينام تغطيه وتطفي النور ..!




ورعاااانا المحترمين


لا رجع البيت ((الساعه 11)) ما يدخل مع الباب لا ينط من

فوق السور على شان ابوه ما يمسكه

وعلى طول لغرفته ويسكر الباب ويطفي النور ويطل من الشباك

على باب الشارع الرئيسي يشوف وش صار على

مسلسل المشاكل المكسيكي اللي جابها معه للبيت وكيف بيحلها ابوه

مع الناس ومع جارهم ومع الشرطه

وفي أثناء ذلك يستغل الفرصه ويدز للمطبخ وياخذ منه جبن ((جبنة البقره الضاحكه))

وخبز ويرجع لووووووووووكرهـ

ويقفل باب الصندقه > ويتعشى من ذا الجبن والخبز

اللين يدوخ > لا وأزيدكم من الشعر بيت ما ينام

الا وهو متلطم

زيآآده ع الكتمــــــه اللي اهو عآآيشهآ من الظهر


وبكــــــــذآ نصير خلصنـــــآ من الفررق

ودنآ نغير من هالحآآل لكن وش نسووي

مآلكـ الا خشمكـ لو هو عووج